Өсвөрийн аймгийн аварга шалгаруулах 100 буудалт даамын тэмцээнийг аймгийн Даамын холбооноос санаачлан 2021 оны 12 дугаар сарын 11-нээс 12-ны өдрүүдэд Сайншанд хотод зохион байгуулахаар өнөөдөр нээлтээ хийлээ.
Тус тэмцээнд 5-7, 8-10, 11-13, 14-16 охид, хөвгүүд гэсэн 4 насны ангилалд 27 багц медалийн төлөө өрсөлдөхөөр Айраг, Сайншанд, Дэлгэрэх, Сайхандулаан, Эрдэнэ зэрэг нийт 8 сумын 130 гаруй тамирчид хүрэлцэн ирсэн байна.Өсвөрийн аймгийн аварга шалгаруулах тэмцээнд Дэлхийн даамын холбооны мастер 1, спортын мастер 2, дэд мастер 10 гээд 60 гаруй хувь нь спортын цол зэрэгтэй тамирчид оролцож байгаагаараа онцлог юм.Дасгалжуулагч багш нарын хувьд даамын спортоор 20 гаруй жил өсвөрийн тамирчдыг бэлдэж улс, тив дэлхийн тамирчдыг төрүүлсэн Эрдэнэ сумын багш Ц.Батбаатар, Даамын спортын олон улсын шүүгч, дасгалжуулагч Дэлгэрэх сумын ЕБС-ийн захирал М.Ганбаатар нар шавь нараа авч ирснийг дуулгахад таатай байна.
Та системд нэвтэрч орсоноор сэтгэгдэл бичих болон үнэлгээ өгөх боломжтой болно.